Një “karrierë” Oscar e mashtrimit.
Një jetë që duket si një film, ajo e Matteo Politit.
Skenari i historisë së tij është një përzierje mes “Catch me if you can” dhe “Grey’s Anatomy”.
Kjo pasi “Dr. Matteo Politi, specialist në mjekësinë kozmetike dhe estetike” – kështu kualifikohet në Facebook dhe Instagram ku mburret me mbi 1 mijë e 200 ndjekës – në realitet nuk ka shkuar përtej klasës së tetë.
Në Bukuresht ai e quajti veten “doktor Matthey Mode”.
Megjithatë, në kundërshtim me “kualifikimet e tij zero”, pozon si mjek për më shumë se 15 vjet, fillimisht në Itali dhe më pas jashtë vendit.
“Dr. Matteo Politi alias Matthew Mode” kudo që shkon kualifikohet si “mjek VIP”, ekspert në mjekësinë estetike, “magjistar i kirurgjisë plastike”.
Tani 43 vjeç, njësoj si atëherë, mjeku i vetëquajtur vazhdon pa frikë të mashtrojë të gjithë.
Dhe ia del gjithmonë, edhe pse “lajtmotivi” i ka mbetur i njëjtë: ka vetëm një diplomë të mesme, por kudo që shkon paraqitet si doktor me diplomë në universitetet më të mira në botë.
Pasi u ekspozua, u denoncua dhe gjykua në vitin 2010 në Verona, ai provoi sërish me “sukses” në Rumani.
Në Bukuresht, kirurgu i rremë arriti të operonte i pashqetësuar për më shumë se një vit në katër klinika elitare, duke trajtuar qindra pacientë pa pasur asnjë aftësi.
Në vitin 2019, si edhe në Itali, ai u zbulua në flagrancë edhe në Rumani, ku e mbajtën nën arrest parandalues për 30 ditë, shpërtheu një skandal autentik kombëtar dhe çështja e “doktorit të rremë italian” përfundoi në front.
Mediat u mbuluan nga tituj se si “infermierët kanë thenë se ‘Dr. Politi-Mode’ nuk dinte as të vishte doreza kirurgjikale”.
Përfundimi ishte një proces gjyqësor që rezultoi me tre vjet e dhjetë muaj burgim për mashtrim, dënim që mori formë të prerë në mars të këtij viti.
Po ashtu Gjykata e Bukureshtit vendosi se, duke pasur parasysh konfirmimin e dënimit në apel, ai duhet të vuajë dënimin në burg.
Megjithatë, me një lëvizje à la Leonardo di Caprio, mendoi mirë të luante paraprakisht duke tribluar urdhrin e burgut.
Edhe një herë, i vetëquajtur magjistari i kirurgjisë që në realitet është “magjistar i mashtrimit”, ka arritur të tallet me të gjithë.
Kundër tij Gjykata e Qarkut Bukuresht ka “urdhër për ekzekutimin e dënimit me burg nr. 1523”.
Të gjithë po e kërkojnë dhe askush nuk e gjen: pamjet e fundit në mediat sociale ishin në Hong Kong, Azi, në bregdetin Hung Hom.
Mediat rumune shkruajnë se janë përpjekur të kontaktojnë me të, por nuk kanë gjetur përgjigje.
Ndërkohë në fotot më të fundit të publikuara në profilet e tij sociale, ai shfaqet duke qeshur, duke përkulur muskujt mes plazheve dhe palestrave.
Në Itali, para gjykatësit të gjykatës Scaliger, në debutimin e tij gjyqësor, mjeku i rremë ishte larguar me një marrëveshje faji një vit e gjysmë për mashtrim, dënim me kusht.
Në vitin 2010, në Verona, ishte një police që u fut në telashe nga trajtimet e bukurisë të marra në qendrën e Wellness në emër të tij.
Nga hetimet, asokohe doli se nëpërmjet kredencialeve të tij të rreme kishte arritur deri në pikën që të operonte në urgjencën e dy spitaleve kryesore në Verona, si ai i Borgo Trentos ashtu edhe i Policlinico.
Në mënyrë të pabesueshme, askush nuk e kishte vënë re mungesën e tij totale të kualifikimeve.
Përpara se të “pakënaqurit” nga trajtimi estetik ta denonconin, qindra njerëz i ishin drejtuar mjekut fals, duke e konsideruar atë mjek në të gjitha aspektet dhe duke mos raportuar asnjë anomali në punën e tij.
Në Rumani, Politi e rishpiku veten si “Dr. Mateu Mode”, një kirurg plastik britanik me një kurrikulë të lakmueshme: studime në SHBA, eksperienca kirurgjikale në Mbretërinë e Bashkuar, Spanjë, Itali.
Të gjitha false, duke përfshirë certifikatat, megjithatë ai operoi në Bukuresht në Euromedical, Prestige, MH Medical Group.
Por gafat e tij në salat e operimit filluan të binin në sy nga infermierët, të cilët u treguan dyshues.
“Corriere della Sera”
