TIRANË- Nisja e Big Brother, së bashku me kuriozitetin për banorët e rinj, shtoi edhe më shumë misterin për marrëdhënien e Ledion Liços dhe Sara Hoxhës. Prej disa muajsh, çifti është përfolur për një ndarje, edhe për shkak të mungesës së tyre për një kohë të gjatë në publik, ndërsa puntata e parë e Big Brother vetëm sa i hodhi më shumë benzinë zjarrit.
Ledion Liço u shfaq pa unazën e tij të martesës, një rreth që mbante në dorë përgjatë gjithë sezonit të kaluar, ndërkohë që mes të dyve mungoi një foto e përbashkët. Moderatori mbante vetëm një unazë me mbishkrimin ‘dad’ në dorën e tij të djathtë.
Gjatë sezonit të kaluar, Sara në rolin e producentes, dhe Ledioni në atë të moderatorit, u panë shpesh së bashku në prapaskenë, teksa ndanin momente gjatë punës. Këtë sezon një gjë e tillë ka munguar, ndërsa asnjëri prej të dyve nuk ka vendosur që të flasë publikisht në lidhje me thashethemet që kanë rrethuar martesën e tyre.
