Një ngjarje e papritur ndodhi ditën e djeshme në Lukovë ku hidrocentrali i Sasaj, përmbyti një pjesë të zonës së Bunecit.
Ditën e sotme detaje të reja janë zbuluar në lidhje me këtë situatë. Boldnews raporton se ndryshe ai njihet si “hidrocentrali i dy Vasove”, referuar dy pronarëve jetëgjatë të projektit koncesionar, Vasil Naçi dhe Vasil Gjika.
Por në fakt që prej korrikut të vitit 2024, “dy Vasot” nuk ekzistojnë më, pasi kompania “Agna” e Naçit ka shitur të gjithë aksionet tek shoqëria “Wonder” e Gjikës.
Kush është Vasil Gjika? Pronar i “Wonder” dhe “Energo-Sas”
Projekti koncesionar u ideua që në vitin 2003, që daton me periudhën e qeverisë së fatos Nanos.
Procedurat vijuan më tej dhe në qeverinë e Sali Berishës dhe punimet kanë nisur gjatë qeverisjes së Edi Ramës.
Në 18 shtator të vitit 2003 konkludon se Këshilli i Ministrave miratoi vendimin nr. 634, “Për miratimin e fillimit të procedurës së ndërtimit me koncesion të Hidrocentralit të Sasaj”.
Në 23 korrik 2004, qeveria miratoi Marrëveshjen e Koncesionit për ndërtimin e hidrocentralit Sasaj, me palë Ministrinë e Ekonomisë dhe konsorciumin e shoqërive që krijuan kompaninë “Energo-Sas”.
Ortakët fillestarë të “Energo-Sas” ishin Sadik Llapashtica me 49 përqind të aksioneve dhe shoqëria “Ëonder” në pronësi të Vasil Gjikës, me 51 përqind.
Akti i themelimit të kompanisë “Energo-Sas”
Në vitin 2008, Llapashtica dhe “Wonder” i shesin një pjesë të aksioneve të tyre tek “Agna” sha e Vasil Naçit.
Në Shkurt të vitit 2014, ortaku Sadik Llapashtica shet të gjithë aksionet e tij tek “Energo-Sas” dhe “Agna” e Vasil Naçit shndërrohet në ortakun maxhoritar, me 56 përqind të aksioneve.
Kush është Vasil Naçi? Pronar i “Agna” dhe ish-ortak i “Energo-Sas”
Në Prill të vitit 2024, “Agna” i shet të gjithë aksionet e saj tek ortaku tjetër, “Ëonder”, për një vlerë prej 5.7 milionë euro, sipas kontratës së konsultuar nga “Boldneës.al”.
Kontrata e shitjes mes “Agna” dhe “Wonder”
Tashmë, ortaku i vetëm i “Energy-Sas” është shoqëria “Wonder” e Vasil Gjikës.
Çarja e digës
Pasditen e 16 janarit 2025, Ministria e Mbrojtjes paraqiti situatën, pas çarjes së murit rrethuesit të ujëmbledhësit të hidrocentralit Sasaj, në Bunec të Lukovës.
Sipas Ministrisë së Mbrojtjes, ujësjellësi është çarë rreth 12:26 të ditës së Enjte dhe se në momentin e shembjes ka patur rreth 15.000 metra kub ujë.
Më tej në njoftim, theksohet se si pasojë e përmbytjes, ka prezencë uji dhe balte në 12 biznese në Bunec dhe është dëmtuar baza ushqimore e blektorisë ne 2 familje. Ndërsa nuk ka dëme në njerëz.
Muri rrethues i ujëmbledhësit të HEC Sasaj u ça në 16 janar 2025
Po ashtu Ministria e Mbrojtjes bën me dije se aktualisht është bërë i kalueshëm aksi i rrugës nacionale Bunec-Piqeras dhe po punohet nga strukturat e bashkisë Himarë për pastrimin e baltës
“Aktualisht është bërë i kalueshëm aksi i rrugës nacionale Bunec-Piqeras dhe po punohet nga strukturat e bashkisë Himarë për pastrimin e baltës.
Situata po ndiqet nga prefektura Vlorë dhe strukturat e emergjencave civile të bashkisë Himarë./BoldNews
